S’Läbe esch schön,
vo eifach hed niemer gred...
...wenn du jetz grad d’Ouge verträit, gsüüfzet oder dech vellech sogar chli ufgregd hesch wäg dem super tolle Sproch chanis im Fau mega guet verstoh. Omso schöner fendis as trotzdem wiitergläse hesch ond no do besch! Wenn du ganz bewusst uf mini Siite cho besch, gohni devo us, as du grad scho liechteri, fröhlecheri, z’fredneri, chorz xeid eifach besseri Phase gha hesch i dim Läbe as jetz grad. Wenn du wettsch ond parat besch ou dine Teil dezue bizträge benech sehr gärn för dech do zom zäme met der de Wäg us de momentane Abwärtsspirale, de aktuelle Donkuheit ond Schwäri z’sueche ond z’fende. Wöu ou wenn sech das grad ned so afühlt för dech, s’Läbe cha werkli ganz schön si. Nehm der Ziit chli uf minere Siite omezschnöige zom erfahre wär ech be ond was ech der cha abiete. Wenn dech das Ganze asprecht oder du eifach s’Gfüeu hesch as jetz de Momänt wär mou öppis nöis uszprobiere de fröi ech mech öber e Nochrecht vo der (idealerwiis via Kontaktformular).
​
Wöu s’Läbe esch das, wo DU drus machsch…scho weder so e Kaländersproch ech weiss, aber ergendöppis wohrs hends äbe scho, ou wemer das mängisch grad ned chönd oder wönd xeh.
Öber mech
Ech be d'Corinne
Be metti 30gi – läck wie die Ziit vergod. Fühle dueni mi mou jönger, mou öuter aber förnes Gspässli oder e Blödsenn beni meistens z’ha. Ech lache gärn ond vöu – bsonders gärn ou öber mech säuber.
​
Ou wenn ech mech mängisch totau cha ufrege ab de Mönsche uf öisere Chogle hani doch i de letschte Johr gmerkt as mer Mönsche extrem spannendi Wäse send. Genau us dem Grond ond wöu ech xehne was cha erreicht wärde, fasziniert mech d’Zämearbet met ond s’Schaffe a Mönsche emmer weder ufs Nöie.
Was esch Energieheilig
D’Energieheilig berueht ufem Gloube, as jeglechi Beschwärde (körperlech, geistig ond emotional) dor s’Nötze vo de Verbendig zwösche Körper ond Geist chönd glenderet wärde.
​
Grondsätzli muess mer sech bewusst si, as öise Körper, jedi einzelni Zälle komplett us Energie bestod. Dor verschedensti Faktore ond Erläbnis, chas im Körper entsprächend zonere Störig vo dem normale Energiefloss cho. Ond genau die Störig im Energiefloss füehrt de früehner oder spöter zo diverse Veränderige i öisem Körper. Wärde die Veränderige ond de Versuech vom Körper öis öppis metzteile gnue lang ignoriert, chonds ergendwenn zo schwärwiegendere Beschwärde. Settegi wo de nöm so gäbig chönd usbländet wärde – hüfig i Form vo ergendwelche Schmärze oder psychische Symptom wo eim im Autag düend beiträchtige.
​
Eini vo de hüüfigste Ursache vo settigne Beschwärde send igschlossni Emotione. Ned säute bouet de Körper de met so igschlossne Emotione Härzmuure uf i de Hoffnig sis Ennerste z’schötze. Drus resultiere düend stattdesse bispöuswis ongwollti Verhautensmoster, soziale Röckzog oder ganz huufe anderi onnötegi ond belastendi Sache.
​
Met de Methode vom Dr. Bradley Nelson esches mögli genau settegi igschlossni Emotione ond die sogenannte Härzmuure i öisem Körper weder ufzlöse. S’Ergäbnis esch es herrlechs ond liechts Gfühl (oms Härz – wies so schön heisst).
För wär esches?
För aui wo wönd (auti) igschlossni Emotione loswärde zom i Zuekonft chönne offener ond liechter dor s’Läbe goh – brueflech ond privat.
​
Ond öbrigens: die Methode fonktioniert ou bi Tier.
Bi was höufts?
Bi folgende Sache chani dech as Emotionscode-Awänderin onderstötze
Wenn emmer weder glichegi Situatione (wo grondsätzli gar ned so tragisch send) i chörzister Ziit zomne totale Usraschter oder Träneusbroch füehre.
​
So zom Bispöu:
​
-
Im Gschäft
-
I de Schuel oder im Chendergarte
-
Bi Familiealäss - ond settegi chöme jo im Louf vom Läbe so einegi zäme
-
I Beziehige (Partnerschaft oder onder Kollege)
-
Imene Verein
-
I de Kita
-
Ufem Arbetswäg – uuuuh jo ech weiss Outo fahre cha so asträngend si – ganz z’Schwiige vom Benötze vo ÖV – eifach wöu desi Mönsche müehsam send. …oder liids äch vellech a öis säuber as öis desi Mönsche so närved?!
-
Bim Poschte
-
Im Usgang
-
Bim dor d’Stadt schlendere
-
Wemer (gmüetli wett) am See setze ond d’Freiziit (in Rueh!) gniesse
-
… - aso du xehsch – eifach bi jenste Situatione wo Mönsche ufenand träffe
Körperlechi ond/oder seeleschi Beschwärde wo die gnaui Ursach nie usegfonde worde esch ond drom schiins niemer cha häufe.
​
Aso chroneschi Beschwärde wie:
​
-
Chopfweh
-
Röggeweh
-
Glänksschmärze
-
Schwerigkeite met de Verdouig
-
Bluetdrockproblem
-
Läbesmettuonverträglechkeite
-
Höischnopper
-
Allergie
-
Huutproblem
-
Asthma
-
Schlofstörige
-
Angst-/Panikattacke
-
...
Wenn du traumateschi Sache erläbt hesch – das cha, muess aber ned emmer es grosses offesechtlechs Trauma si.
​
Erläbnis wie:
-
S’Mami/de Papi oder e anderi Bezogsperson wo notfaumässig is Spital hed müesse
-
Omzog met Schueu-/Arbetsplatzwächsu
-
Verlost vonere Arbetsstöu
-
E schwärwiegendi xondheitlechi Diagnose bi eim säuber oder im Omfäud
-
Stritigkeite / Gspröch wo ned för dini Ohre dänkt xi send
-
Es belastends Gspröch: im Gschäft, met Familieaghörige, guete Frönde, inere Beziehig
-
Trennig oder Scheidig vo de Öutere, vo de Grossöutere, vom Gotti, vom Götti oder anderne wechtige Mönsche im Läbe
-
Mobbing
-
Züüge wärde oder beteiliget si bime Omfau
-
Negativi Erfahrige bi Prüefige, metere Lehrperson oder ere vorgsetzte Person
-
...
Du xehsch, die Liste god is onändleche. Mängisch esches rüdig schwerig sech säuber z’igestoh, as die Symptom, wo vellech scho sedere gfühlte Ewigkeit vorhande send, eigentli ned normau send. Sech z’igestoh, dass die Symptom ned eifach dezue ghöre nor wöus jetz haut scho lang so esch oder wöu de Vater oder d'Grosmuetter scho die gliche Problem gha hed.
​
-
Mer Mönsche söued ond mönd weder lehre uf öise Körper lose
-
Mer mönd öis bewusst si asmer döffe xond ond beschwärdefrei läbe
Drom mäud dech bi mer (alles nötige fendsch onder «Kontaktdate») wenn s’Gfühl hesch du wottsch jetz öppis Nöis usprobiere, öppis wo ned no weder honderti vo Ondersüech öber dech muesch loh ergoh, öppis wo eifach chasch säge ech bruche jetz öpper wo sech dem anehmt wöu eifach kei Loscht meh hesch met dine Beschwärde z’läbe nor wöus jo bis jetz ou emmer ergendwie gange esch.
​
Ech fröie mech dech ond/oder dis Chend könnezlehre ond e betzwiit döffe z’begleite ufem Wäg ines hoffentlech chli liechter’s, entspannter’s ond z’fredniger’s Läbe.
Mis Agebot
Emotionscode
Momentan biet ech eifach Behandlige uf Distanz, aso sogenannti Färnbehandlige a. Das heisst du gesch mer dis Okey, as ech dech daf behandle ond denn mach ech das ohni as du muesch i minere Nöchi si. Wie gnau das fonktioniert, erklär ech der gärn bime erste Könnelehrgspröch – am Telifon oder persönlech.
Das chostets
De Priis pro Behandlig esch (wie du i de Tabälle xehsch) abhängig devo, wie lang d’Behandlig duuret
CHF 50.-
CHF 30.-
CHF 40.-
CHF 75.-
CHF 45.-
CHF 55.-
CHF 105.-
CHF 65.-
CHF 80.-
_edited.png)
Priise i Notfausituatione – aso ennerhaub vo 24-36 Stond
CHF 60.-
CHF 40.-
CHF 50.-
CHF 90.-
CHF 60.-
CHF 70.-
CHF 125.-
CHF 85.-
CHF 100.-
Wechtig!
Du muesch zwenged wösse ond der bewusst si:
Ech mache kei Heiligsverspräche ond ech ersetze ou kei ärztlechi oder psychologischi Berotig/Betröig.
Das heisst met dim Okey (as ech dech daf behandle) bestätigsch du mer, as du weisch as
DU die 100%igi Verantwortig öber dis Handle ond Verhaute i dim Läbe bhautisch!!
Spannend för Isatzchräft
Emotionscode
I öisem Bruefsautag as Isatzchräft semer hüüfig met Situatione konfrontiert wo i verschedenster Hiisecht chönd belastend si. Ganz bsonders ou emotional. Einersiits ufgrond vo de tatsächleche Tragik vomene Ereignis, aber ou wöu as professionelle Häufer (wies jo emmer so schön usdröckt werd) eifach – egau wie – emmer muesch fonktioniere ond settsch handligsfähig bliibe. Das esch jedefaus das, wo vo öis Isatzchräft erwartet werd. Zom das gwährleiste düemer ned säute öisi eigne Emotione zemli fescht onderdröcke.
_edited.png)
_edited_edited.png)
